وإيّام.. بتتأمّل هالعمر من تحت المخدّة وإنت عم تحاول تنام.. بتسأل حالك ألف سؤال وسؤال.. وما بتلاقيلن ولا نص جواب.. لهالدرجة كان صعب تقول اللّي بقلبك للّي بقلبك؟ لهالدرجة كان مستحيل تتهجّا كلمة “بحبّك”؟ لهالدرجة كانت بتلبّك الهيبة: “كأنّي اشتقتلّك”! لهالدرجة؟! #ثرثرة_منتصف_الليل
_ مو هيك الحب.. والله مو هيك الحب! وأقسم بالله مو هيك الحب؟! = طوّل بالك ماما.. لسّا ١٢ ما صرنا.. شو كنت دأقلك: معلش تشرح لي.. لكاً كيف الحب؟ 🎼👌🏻 جزء من النص مفقود.😌 ===== ضمن سلسلة: ما لا تعرفونه عن أحمد❣️
صباح الجنّة اللي يوم بعد يوم منشتاق لها أكتر وأكتر.. شو بده الواحد بهالعمر أكتر من إنّه لو نادى يلاقي حدا يسمعه؟ لو قال: أنا جيت ينقال له: أهلاً وسهلاً. شو بدنا أكتر من ضحكة وشويّة لطف وكومة دعاء؟ دخيلك يا رب، تقبلنا، وتتلطّف بحالنا، وتجعل عيشنا عيش السعداء. حابّة أحكي.. حابّة الانسان يعبّر عن …
من فترة سألتني الأمّورة سؤال ضلّ ببالي ليالي وإيّام، قال: خالة.. يعني كيف هيك بالجنة حنعيش للأبد؟ سؤال سألت حالتي من بعده ألف سؤال، كل سؤال أحلى من التّاني، أسئلة جدّدت الهمّة والشوق للحياة الطيبة الموعودين فيها إذا أحسنّا العمل وأخلصنا النوايا. يا ترى هالأبد أديش حلو؟ الأبد اللي حيكون مكافأة على صبرنا ونجاحنا بالإمتحانات …
صباح الشّهبا الفاخر عالآخر من يوم يومه.. وصباحك صباح الرّوح وروح الصّباح.. حلب بدّا تقلّك اليوم: شكراً جزيلاً باب باب.. شكراً على كل شي بغضّ النّظر عن أي شي.. بدّا تقلّك قلعتنا اللّي أرضنا بتشوف حالا فيّا إنّه صوتك حيتمّ قلعة مجازيّة تانية بتنسمع تحت سمانا دايم دوم. شكراً بدل المرّة مية ألف مرّة.. شكراً …
“العتب على أدّ المحبّة”! عن جدّ؟ كيف يعني تجرح حدا لأنّك مجروح من شي ما بيعرفه؟ مين سمحلك؟ مين عطاك الصلاحية المُطلقة توجّعه لأنّه ما حسّ بوجعك اللّي ما دري عنّه أساساً بزحمة مسؤولياته؟ خطر على بالك ولو للحظة وحدة أنه ممكن يكون مارر بمُرّ أمرّ من مُرّك وما حبّ يشغل لك بال ليمشي الحال؟ …
كنّا بالتاسع لمّا طلعلنا صرصور من وشّ الصبح بالصّف، مشان أيسّر للقارئ تخيّل المشهد، صرصور بمدرسة أهليّة بفصل فيه أكتر من عشر جنسيّات، يعني شي مُرعب للغاية تكاد تظنّ أنّه ديناصور، حالة من تمثيل الرّعب الاحترافي عمّت الموقف، بنات صاروا فوق الطاولات، تلاتة بالزاوية عم يصرخوا بلكي بيتشتّت انتباه المعلمة وتركيزها شوي وبيضيع وقت من …
بدي أقلّك إني اشتقتلك.. كتير اشتقتلك.. اشتقت تدقّ الباب آخر الليل وتقلّنا عالهسّي: بدون صوت عالسيارة.. نقلّك: بس نحن متفقين نطلع الصبح بكير! تقلنا: بلا كترة حكي، مزرعة كفرنايا حلاوتها يجهجه علينا الضوّ فيها. اشتقت لخالتي وهيّة عبتقلنا: عالسّكت، تلقوطوا مشان ما تفيّقوا الجيران.. اشتقت لصوت نانا وهيّة عبتقول: ‘يا عَيْب الشوم’ بفتح العين وتسكين …
صباح الورد الحلو اللي بيزهّر بقدرة قادر من بين الشوك والورق المغبّر صباح المازهر وصابون الغار، صباح الياسمين ويا صباح المشتاقين.. صباح الشام.. وكلّ مين بيحبّ الشام.. صباح المغتربين حول العالم.. صباح كل مهاجر بيقول الصبح: يا فتاح يا عليم يا رزاق يا كريم.. صباح المسلمين، المؤمنين، المحسنين.. صباح الصابر الشاكر الموعود بعطاء رب العالمين.. …
لما كنا صغار .. صغار كتير كانوا تيتة وجدو الله يرحمن لما يزرونا ببلادنا يحكولنا عن بلد بعيدة بعيدة كتير هيّ بلدنا واسمها الشام.. كانوا يحكولنا من وين جابولنا هي الهدايا وكانوا يعرفوا شو منحبّ وشو ما منحبّ مع إنّن بعاد كنّا نسمع بلهفة وما حيلتنا إلا الخيال الصور قليلة وما في شبكات متل هالإيّام …
