أشواق

وبتجيك إيّام، بتشتاق يناديك: وينك؟ ليش قاعد لحالك؟ لوين رايح؟ منين جاي؟ مين فلان؟ ومين هاد علتان؟ هاتلك كاسة مي، برتقالة، وين إمك؟ هاتلي ابرة الأنسولين، حبّة الاسبرين، كاسة شاي، اش عبتعمل؟ ليش مسكّر عحالك الباب؟ اقعد معنا، تاكل سلطة فواكه؟ تعشيت؟ شو تغديت؟ ليش ما نمت لهلأ؟ شو صار معك اليوم؟
بتشتاق يناديك بدون سبب، بتشتاق للصوت وكل تفاصيل الصوت، لأنّه صوت اللي بنحبّن حضن، وبتشتاق ما تشتاق لأنه الشوق للّي مشيوا بلا رجعة ما حيوصلك إلا لتلات حقايق ما إلها رابع: ياريتني تهنّيت فيك واستمتعت بحياتك معنا أكتر، انت ما بقى ترجع لهون ونحن اللي من بعدك لعندك رايحين بإذن رب العالمين، هالشوق اللي بيوجع ما له حل متل الدعاء.. والوجع كل الوجع إنه كل ما بندعي بنشتاق وكل ما بنشتاق بندعي. 💔

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *