شوية حكي


Deprecated: preg_replace(): Passing null to parameter #3 ($subject) of type array|string is deprecated in /var/www/vhosts/shefaadawood.uk/httpdocs/wp-includes/kses.php on line 1744

كراسي

وبتشهد الحياة إنه الغربة بزماناتا أكلت من قلوب السوريين شقفة فاكتشفت إنه طعمتها سُكّر نبات ما بتنتسى، وما عادت كفّتها من بعد هالشقفة الشقف وبلعتها كاملة لقمة وحدة بكل يلّي فيها بدون ما تشف معها شفّة مَيْ بدون ما تسمّي وبدون حتّى ما تغص. بتشهد الإيام إنه الكراسي كلّ الكراسي وإنه المطارح كل المطارح كانت …

كراسي قراءة المزيد »

يا ريت

يا ريت يا علاء، يا ريت.. قمر تجيب الدربكّة، وتوسعنا مرجوحة الشيفونية كمان مرة بهالعمر، بس مرة.. ويا ريتنا نغنّي سوا: “ألف بي بوباية” من هلأ ليجهجه الضو. يا ريت نضحك من قلب لأنه انقطعت الكهربا، نضحك لأنه الكبار ما عم يقدروا يخلونا ننام، نضحك لأنه الخبز ما عم يهدّي بكياسه والمربّى مدري شو اللي …

يا ريت قراءة المزيد »

غيم

= قولتك يا زبرجد.. – قولي يا بلسم.. = البدر هوّ اللّي متخبّي بقلب الغيمة ولّا الغيمة هيّ اللي متخبية فيه؟ – قولي يا بلسم. = (…) – (…) 🤍 – ثرثرة منتصف الغيم

وإيام

وإيام من الإيام اللي ما بتشبه الإيام بيجي عبالك تتدروش تكة انت يلّي ما بتلبقلك الدروشة وبتقول لحالك: عن جد اللي عم يكتب بهالقلم من هالقلب هالأد إنسان؟ مجرد إنسان! إنسان ما بيخوّف مع إنّه ما منعرف عنه شي، وما حنخاف طالما ما إله عنّا شي، ومادام عم يحاول يساهم بشي، فحقه علينا: الخلق الحسن. …

وإيام قراءة المزيد »

إيام

وإيّام بتسأل حالك: كيف وليش ولإيمتى؟ ما حدا حيجاوب، عقارب الساعات عم تسابق نبض القلوب، والكل بالكل مشغول. يمكن تعرف جواب، بس بعدما ما يبقى لواحد منّن أو لاتنيناتن بهالفضا الواسع صوت.

تيتا

إيام بتتمنى تسافر عبر الزمن أو الزمن يسافر عبرك أو أي سفر أو أي زمن أو أي عبر يسمحولك كمان مرة، بس مرة كمان بهالعمر تقول: تيتة معلش تحكيلنا حكاية مشان ننام.

تساؤل

يتصفّح أحمد المقاطع المرئية التي تعكس بهاء انهمار المطر اليوم في معظم مدن هذه البلاد ثم يرينها ويتساءل مغاضبًا: نحن شو مقعدنا هون؟ لا بحر ولا مطر! أقول برزانة الأمهات التي لا تجدي نفعًا في بعض الأحيان: كيف شو؟ كمان هنّ بيحبّوا يبدلوا معنا ويجوا على مدينتنا؟ يقترب من المكتب رويدًا رويدًا ويريح إليه مرفقيه …

تساؤل قراءة المزيد »

أشواق

وبتجيك إيّام، بتشتاق يناديك: وينك؟ ليش قاعد لحالك؟ لوين رايح؟ منين جاي؟ مين فلان؟ ومين هاد علتان؟ هاتلك كاسة مي، برتقالة، وين إمك؟ هاتلي ابرة الأنسولين، حبّة الاسبرين، كاسة شاي، اش عبتعمل؟ ليش مسكّر عحالك الباب؟ اقعد معنا، تاكل سلطة فواكه؟ تعشيت؟ شو تغديت؟ ليش ما نمت لهلأ؟ شو صار معك اليوم؟ بتشتاق يناديك بدون …

أشواق قراءة المزيد »

دوّار

صباح النحل يا دوّار، شو رأيك تحكيلنا الأسرار؟ إنت اللي طول عمرك عم تنادي الشمس؟ ولّا هيّ اللي طول العمر عم تناديك؟ 🌻

نانا

ونحن طالعين من المستشفى كان في أب حامل بنوتته على كتفه اليمين وماسك يمين إبنه بإيده اليسار. وأنا بعرف وبتذكّر أديش بتكون الحياة والحركة بطيئة وترللّي لما يكونوا الولاد بهالعمر الله يحميّن ويكبّرن بالسلامة. تنهّدت من قلب ورب وقلتلا لأمونة: الحمدلله إنكن كبرتوا يا ماما، أنا برتعب لما بشوف ولاد لسّا كل هالأد صغار، يا …

نانا قراءة المزيد »